Source: Statistics New Zealand
He nui atu ngā pāmu Māori tēnā i te toharite, me te nuinga atu hoki i kapi i te paina me te ngahere taketake – He putanga ki te hunga pāpāho
28 Hereturikōkā 2026
E 2.5 te rahinga ake o te rohe toharite o ngā pāmu Māori tēnā i te rohe toharite o ngā pāmu katoa o Aotearoa i te tau 2025, e ai ki ngā whika kua whakaputaina e Tatauranga Aotearoa i te rangi nei.
I te 30 Hune 2025, ko te rahi toharite o ngā pāmu Māori, he 707 heketea. Ko te rahi toharite o ngā pāmu katoa i Aotearoa, he 284 heketea.
“Ko tā ngā uepū Māori he whakahaere i ngā pāmu e puritia ana e te tini tangata, ā, ko te nuinga o ēnei he rahi kē atu i te pāmu toharite o Aotearoa,” e ai ki a Michael Heslop, te kaikōrero mō ngā Tatauranga umanga Māori.
He umanga hira ā-ōhanga tēnei mea te uepū Māori, ā, ko tā rātou he whakahaere ngātahi i ngā rawa e puritia ana e te Māori. Tata tonu ki te haurua o ngā pāmu Māori, nō ngā uepū Māori tonu, ā, ko rātou tonu ki te whakahaere.